وش ينفع العذر لامن ضاعت ايامي

.. السسلام عليكم ورحمة الله وبركاته ..

مـا قـلـت لي شي وش خليت ما قلته
اسكت وخـل الكلام لـجـرحـي الـدامـي

لـو غـيـرك إلـي يـسـولـف مــا تـحـملته
لـكـن عـلـشـان عـيـنـك هـانـت ألامــى

لـلـحـب مـفـهـوم عـمـرك مــا تـخـيـلـتـه
مــا أظـن يـسـتـوعبه تفكيرك السـامى

هــذا الـفـراق الـطـويـل وهـذي أسـئلته
هــذا حـصـاد الـسنـيـن وهـذي أيـامــى

يـامــا ويـامــا عـلـيــك الــبــال طـولــتــه
والعمر عدى وأنا عـايـش على أوهـامى

حـتـى طـريـق الـفـراق إللي تـساهـلته
لقيته أصعب على نفسي مـن أقدامى

اصـــبـــر شــوي لـــو دمـي تــثــاقــلـتـه
بـحـاول أسـتـوعـب اللي صــار قـدامــى

الـحـب ضـحـكـه بـعـيـنـك بس مـا طلته
عمرك بهالكون شفته أبسط من أحلامى!

الـقـلـب لو ما خـفق لك كان ما شلته
ولو ما أنت ملهم قصيدي جفت أقلامى

هـذا قـصـيـدي بـعـيـنـك لـو تـجـاهـلته
ينزف على شان يروي قلبك الضامـى

الـعــام طـاري غـيـابـك مــا تـقـبـلـتـه
واليوم حرماني أصبح مصدر إلهـامى

لا تعتذر لي وبنسى كـل مــا قـلـتـه
وش ينفع العذر لامن ضاعت أيـامى