خاين...........

موضوع: خاين........... 30/12/2008, 9:51 pm

خـــايــــن )

خاين وبكتب لك على وجـه الزمـن كـذاب
واطي وباين فـي خفوقـي عضـة انيابـك
مدري انا من وين جيتي وانفتـح لـك بـاب
مدري انا وشلـون قلبـي حـب واخطابـك
عذاب وهم واحزان(ن)كثيره مالهـا اسبـاب
سوى اني اعشقك ياتايهه واموت واحيابـك
عطيتك كل مافيني ولاحتى حسبـت حسـاب
تركت العالم تولي وجيت اوقف علـى بابـك
تحديت الزمن لجلك وصرتي أعظم الأحبـاب
حلفت اني احبك لين كـلآ يحسـب حسابـك
صبرت وكنت امشيلك الين الظن مل وخـاب
رضيت اني اكون اعمى واصدق كذبة اسبابك
تماديتي بظلمك والهوى ودى ولاعـد جـاب
تماديتي على ذاك الطريـق ولعبـة غيابـك
تروحين وتخونيني وتبين اقابلـك باعجـاب
ضعيفة نفس صار الغدر يشبه رشة اطيابـك
انا مليت امشي لك وقلبك لاهـي(ن) ماتـاب
انا مليت احلم بك واقـول ان الوفـا جابـك
خسرتيني وصرتي في عيوني ماعليك ثيـاب
حسافه للأسف ياقلب هـذا معـدن احبابـك
مريضه تكسري الخاطر صغيره تحبي الألعاب
تحسبين البشر لعبه تحطيهـا مـع العابـك
نصيحه واسمعي توك صغيره تجهلي الأبواب
واذا بابك فتح مره خطيـره باقـي ابوابـك
صحيح انك ملكتيني وسهمك للأسف قد صاب
ولكن احمدي ربـك اذا ماخنجـري صابـك
انا عني ابرحل واتركك مـع قلبـك الكـذاب
انا ياخاينه ماعـاد اصـدق كذبـة اسبابـك

تقبلوا تقديري واحترامي