كان لك قلبي مدينة ولاحظ اني قلت: ((كـــــــــــــان))؟؟؟؟؟؟

ما تغيَّر شي .. لكن .. صار فاضي هالمكان
يعني إنتَ شفت قلبي طحت مِنْ عيني وعينه

كان لك قلبي مدينه ولاحظ إني قلت : ((كان))
يعني إنتَ الحين واحد ((خارج حدود المدينه))

ليه مستغرب كلامي وليه أعطيك الأمان
وليه تَكْذِب في كلامك العذر وينك ووينه

ما ألومك كان قلبك ثارت أمواجه وخان
الخطا منَّي لأني صرت في بحرك سفينه

والسؤال اللَّي كتمته وما نِطَق فيه اللسان
كيف إيدك إطعنتني وآنا أحْسِبْهَا أمينه ..؟

جرحي ما يرضيه قلبك لو يجي كلِّه حنان
لو تبوس الجرح فيني ولو تقبلها إيدينه

يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّك تهينه

( عزِّتي ).. ما هي جديده آنا شامخه من زمان
إغسل إيدك من رجوعي وروح يا إبن اللذينه

طاب خاطر قلبي منِّك وهذي الفرقى رهان
وحتَّى لو قلبي يحبك ربِّي بفراقك يعينه

تدري لما قلت أحبك قلت وما عندي ضمان
وإختياري كان خاطىء تجربه بالحيل شينه

كنت تخطي وكنت أسامح مرَّه مرتين وثمان
أدمح الزله عشانك وأكتم أنفاس الغبينه

كنت أحبك وكنت أعزك والغلا فيني جبان
اخاف تزعل لو ألومك ضعت ما بينك وبينه

في عيون الناس عادي بس في عيني جنان
وكان قلبي من يشوفك تفضحه نظرة حنينه

ماني أوَّل من يحب ومنتَ آخر شخص خان
المحبه في زمانك بحرها من غير مينه

الفشل .. كان النتيجه وأعتقد آن الأوان
بني مستقبل حياتي وأنسى قصتنا الحزينه

وخطوتي الأولى غيابك وراح أطبقها عشان
يبكي قلبك لا فقدني والندم .. يملي سنينه

جاي تسأل عن مكانك !! هو بقى فيني مكان ؟؟

الله يرحمها المشاعر اللي كانت لك رهينه

قلت لك قلبي ( مدينه )فيها لك حشمه وشان

لكن إنتَ الحين أغرب شخص في هذي المدينه

يسلمو
وادري تقصدي مين فيها وصل

يعطيكي العافيه

تقبلي مروري

يعطيكي الف عافيه
ومشكوره ماقصرتي
احساسك وصلني
وحتى وانا ماعرفك
تسلمي

عضو عدد الرسائل : 7 تاريخ التسجيل : 01/10/2008

يسلمو علي هدا القصيده الجميله
والله يكون في عون المقصود فيها
الموت ارحم لان الكلمات طالعه
من قلب شخص مطعون طعنه موميته
تقبلي مروري