وه ماتحمل طعنتين ,,,,,,,,,,,,,,,,,,,

كل ما فيني همس لك كل مافيني دعاك

كل ما فيني يحبك طالبك لا ترحلين

كل ما فيني تألم... ساعه فراقك بكاك

دمعي اللي فاض يمه من عيوني فاض عين

كل مافيني تراجف وانحدر شعري رثاك

يابعد كل القصايد ...يا عنا كل السنين

منهي اللي بتحتويني اذا ابتعد عني دعااك

منهي اللي تقول وينك لو تأخر لحظتين

منهي اللي تقول وشبك يا وليدي وش بلاك؟؟

ضاعف ومدري علامك خاطرك ماهو بزين

منهي اللي تقول اكلك مختلف ماهو بذاك

هاك بس ياروح امك لجل ارضى لقمتين

منهي اللي لا مرضت تقول يا يمه دواك

حتى حبات الدواء... انساها وانتِ تذكرين

يمه بس ردي عليه من لي يا يمه سواك

منهي اللي ناصحتني بأمر دنيا وبأمر دين

عايش وماني بعايش يمه اقرب للهلاك

والله ان الياس يمه ساكن بعالي الجبين

اظلمت دنياااي يمه عقب ما صرتي هناك

بطن الارض اصبح مقرك واللحد ولحاف طين

والله اني صرت يمه شايف المجرم ملاك

وصرت اشوف الشهم يمه من ردى وقتي لعين

اشتبه يمه بعيني هذا مع ذيا وذاااااك

واختلط يمه بعيني غثها هو والسمين

يمه اسمي صار يمه مختلف ما هو هذاك

اليتيم اصبحت يمه ... عقبك وحالي حزين

كل ما فيني اشتكى لك كل ما فيني اشتكاك

ليه يا يمه رحلتي ليه عني تبعدين؟؟؟؟

استغفر الله من سؤالي ...ما قصدت الا غلاك

الفناء .. شيٍ مقدر بيد رب العالمين

تذكري يوم (ن) جرحتك ......

تذكري يوم (ن) جرحتك ....

تذكري يوم (ن) جرحتك وارتفع صوتي معاك

يوم قفيتي وبعينك يا غناتي دمعتين

يوم تمتمتي عسى الله بس يا وليدي يهداك

يوم كفكفتي دموعك ثم صفقتي اليدين

سامحيني.... كنت مخطي والله لقبل خطاك

ويل حالي كيف يمه...... بتحمل طعنتين؟؟

الزمن مره طعني يوم انا جاحد عطاك

ثم عود لي وطعني يوم عني ترحلين

كل ما فيني ابتدأ بك والغلا يمه انتهاك

اسمحي لي قبل ما ارحل بس اقولك كلمتين

ليتها الأقدار ترضى بس تأخذني فداك

والله اني ما تأخر والله اني ما ألين

وإلا اقولك هاك كفي ..يمه المشتاق جاااك

يكفي ابقى بس جنبك ..لو وسط قبرك دفين

يعطيك الف عافيه على الطرح الجميل والمتميز

حلووووووووووووووووووووووه

ورائعة وننتظر جديدك

تقبلاتي