[size=12]يكفي صبر أغفر لك الذنب وتزل
كل ما اغفر أخطائك تجيني بزلـه
نزلت نفسي لك وقلبي تنزل=
واشوف نفسك بالكبر مسفهله
خل المهازل والدلع والتدلل=
حس فبعض شوقي ولا اريد كله
لا تحسب اني طامع ن فيك منعل=
لا تحدني سيف الهجر يوم اسله
تراي قادر أقطع الوصل وأرحل=
لا صار حبي غادين عن محله
شربت فنجالك غرابيل وعلل=
وانا سقيتك من حناي بدله
واشوف نفسك باللعانه توغل=
ان جيت لك طيب تجيني بعله
وان جيت متواضع اشوفك تبدل=
وان صرت لك قاسي تجيني توله
يابنت صوني كبريائي عن الذل=
ترى التواضع بالمحبه مذله
والحب لامن صار اخذ وتبادل=
والله ما تلقى احد قال مله
فتشت صفحاتي معك كلها غل=
وعزمت انا بالحال حرق المجله
سؤال طبعك عندي اليوم له حل=
وسؤال صدي صعب مثلك يحله
وش لي في بيت ما يجي منه لي ظل=
كل ٍ على ما قيل دربه يدله
رجال انا ما أرضى على نفسي الذل=
عيب ٍ على شرواي يرضى المذله
[/size]