مختارات من قصائد الشاعر المرحوم طلال الرشيد

قصيدة ماقلت أحبك

مـاقلت احـبك ولا قـد قلت ماحبك
احـب مـالي عـيوني وانت تسواها
لو تدري اش كثر تعني لي تعرف انك
اخـر امـل فـي حياتي واول مناها
يـاكثر احـس ان بك مني وبي منك
روح قـسمها عـلى شخصين مولاها
لا تقول وش تحب فيني اعشقك كلك
مـن لـيل شعرك لكلك واخر اقصاها
سـميتني نـصفك الـثاني وياشحك
انـا بـسميك كـلي وانـت مـعناها
تـعبت اوديـك لـه يـاقلب ويردك
لا اخـذ حـلومي ولا خلاني انساها
كـل الـحمام استراح وناح في ظلك
والورد الاصفر سقته الروح من ماها
لـيتك بـعمري ثلاثة اشخاص ماملّك
واحـد معي دوم وواحد روحي يملاها
والـثالث بـجفن عيني لا فقد حسك
او غـمض الجفن جاني فيك يتباهى
مـو بـس احـبك انا والله من حبك
احـب حتى ثرى الارض اللي تطاها



كل العواذل
حبيبتـي كـل الـعـواذل تشـابـه
قلبٍ ظلام ووجه يشبـه للأصحـاب
ولامن غدى لك صاحبٍ ينحكـى بـه
لا تسمعين ان كان لك قلب وأحبـاب
الى مشيت الـدرب يلهـث سرابـه
والى سكنت الـدار نادانـي البـاب
وشلون أنـام وهـم قلبـي صوابـه
والشوك ينبت بين جفنيـن وأهـداب
تعبـن أمنّـي الأسئـلـة بالإجـابـه
وأنطر شروق الشمس والشمس بغياب
وتعبـت أناظـر والمعنـى عـذابـه
انك بعيـده والمـلا دونـك حجـاب
أجمع كـلام ومـا أعـرف الكتابـه
وعندي شعورٍ صدق والوقت كـذاب
وكل النجوم إلى أمطرت من سحابـه
حبيبتي دمعك جـرح قلـب وتـراب
واللي وقف مـا بيـن بابـي وبابـه
قلبه ظلام ولابسٍ ثـوب الأصحـاب




قالت قدر
قالت قـدر و أقـول يومـك تبينـي
غصبن على الدنيا يدك فـي يدينـي
لا تظلمين الوقت وش ذنـب الأيـام
لا تظلميـن الـحـظ لا تظلميـنـي
غديت مابين ارجـا فيـك واليـأس
هـذا يبـي منـي وهـذا يبيـنـي
إن قلت شمت وخاطري طاب كذاب
وان قالت أبيك ارخصت نفسي بعيني
خيرني أمري بين أصعـب خياريـن
موتي أنا أو موت الاحسـاس فينـي
لكن زمانـي المـر علمنـي أنـي
أموت محني لجـل قلبـي جبينـي
والله ما تلقيـن حبـي مـع النـاس
روحي وهـا لأيـام بينـك وبينـي




بعض احوال
أنا مقدر أكون اني حبيب في بعض أحوال
أنا كلي أجي والا أروح بعزتي
كلي تخيرت الفراق وما دريت إن الفراق وصال
أقول اني نسيتك بس مدري كيف تاصل لي
خذاني لك سؤال في عيونك و الجواب محال
خذاني منـــك دمع في عيوني مارضى ذلي
رحلت انت وتركت بداخلي طيفك و صبر طال
غدت ذكراك شمس ما تغيب و صورتك ظلي
حكيت و مالقيت من الحكي الا الـندم موّال
سكت ومت بالحسره ولا ادري وشهو احسن لي
أحبــــك كل ما فيني يحبك يا خلي الــبــــال
تخيلتك دواي و صرت جرحي الصعب يا خلّي
تعبت أرحل مع وجيه البشر بانساك بالترحال
و لا ادري وش يجيبك في وجيه الناس واهلّي




قصيدة تنهيدتين ونار

كــلّـمـنـي عـــنّــك
أبـعرف كـل شـيٍ عنّك منّك
قــلّـي وش أول جـروحـك
قلّي وش آخر أمل ترجيه روحك
إحــكـي عـــن طـبـعك
وعـــــن ربـــعــك
عــن الـلـي يـهزّ دمـعك
قـلّـي وش مـعـنى الـحـياة
قـلّي بـأنفاسك متى قد قلت آه
إحــكّ لــي عــن الـحب
إحــكّ لــي .. إحـكّ لـي
إحــكّ لــي عـن الـشوق
طــر بــي فـوق .. فـوق
خـــذنـــي مـــنّــك
وإحـــكّ لــي .. عـنّـك
الــــــصــــــدق
إن الأمل من قبل أعرفك .. كذب
والـتـضـحـيه أوهــــام
وإنـي أنـا مـن قـبل أعرفك
كــنـت أعـــرف أنــام
كــان الـسهر مـو هـالسهر
لـعب .. و أغاني .. و إختصار
صـــار الـسـهر تـفـكير
صـــــار إنــتــظـار
صـــــار إحــتـظـار
صـار السهر .. تنهيدتين ونار
* * *
يـــا مـنـتـهى أمـــري
بـالهمس قـلّي مـرّه يا عمري
وطــر بـي فـوق .. فـوق
خـــذنـــي مـــنّــك
وإحـــكّ لــي .. عـنّـك

أنا مقدر أكون اني حبيب في بعض أحوال
أنا كلي أجي والا أروح بعزتي
كلي تخيرت الفراق وما دريت إن الفراق وصال
أقول اني نسيتك بس مدري كيف تاصل لي


مبدعه كما عودتيني عليك من قبل
موضوع في قمة الروعه

تقبلي مروري
ودمتي بود ومحبه

مشكورين على مروكم الكريم

الامير خالد الفيصل شاعر رائع غني عن التعريف وانا كمان من محبي

اشعاره وانشاالله اتوفق في اختيار كم قصيده من قصائده وتنال اعجابكم ايضا