هل تحكم على الناس من النظرة الاولى؟ تعالوا ناقشوا الموضوع

الــــســلام علـــيـــكم ورحمــــــة الله وبركــا تــــــــــــه

ياهلا والله ومسهلا باحلى اعضاء المنتدى
قرات هذا الموضوع باحدى المنتديات اعجبني وحبيت انقله لكم
وتشاركوني فيه اراءكم

اولا بمهد لكم الموضوع

كل واحد فينا يغلط وما في احد معصوم من الخطأ ولكن 00 اذا غلطت غلطه كبيره فهل ستسامح نفسك ؟ واذا غلط غيرك غلطة كبيره فهل ستسامحه ؟

الفقره الاولى :

وحده بنت تدخن وبغض النظر عن انها بنت وعيب تدخن واحنا في مجتمع شرقي وبالاحرى احنا في الخليج وما يصير البنت تدخن 00• هل تحكم على الناس من النظره الاولى ؟

• ايش بتكون نظرتك للبنت اول ما تشوفها تدخن ؟ هل بتقول هذا راجع لنفسها ؟ او بتقول ما تستحي على نفسها وهذ مو محترمه ؟

الفقره الثانيه :

وحده قتلت زوجها سواء بقصد او بدون قصد ودخلت السجن وقضت الفتره المحكوم عليها وخرجت من السجن بعد الفتره المحدده لها 00وتابت الى الله توبة نصوحه وبتعيش حياتها من البدايه وكأنها ولدت من جديد 00

• هل بتسامحها وتقول خلاص تابت ؟ او بتقول لا هذي مالها امان ؟ او بتقول لاما اسامحها لانه ما تستاهل احد يسامحها ؟
مع ذكر السبب 00

الفقره الثالثه :

وحده اتطلقت من زوجها لاي سبب كان 00

• اذا كنت رجل هل تتزوجها ؟ واذا كنتي ام هل تقبليها لولدك ؟ واذا كنتي اخت هل تقبليها لاخوكي ؟

حابه اقول الى متى واحنا ننظر للي تدخن على انها انسانه مو محترمه ومع انها ممكن تكون احسن منك ومنها ومن كثيرين وتلاقيها علاقتها بربها كويسه بس عيبها تدخن هذا معناه انها مو محترمه او مهي كويسه ؟ بغض النظر عن اننا خليجيين وعيب البنت تدخن انا اتكلم عنها هي بنفسها بذاتها 00

والين متى ننظر للي يخرجوا من السجن ويتوبوا نظره سيئه ما حد يرضاها لنفسه الى متى الانانيه ؟ الى متى ما بنغير وجهة نظرنا لهم ؟ اذا كانوا حاسين نفسهم وكانهم ولدوا من جديد ليه ننظر لهم بهذي الطريقه ؟

والين متى ننظر للمطلقه على انها وحده لها زاويه خاصه وما حد يقرب منها وكأنه فيها مرض معدي ؟ الين متى واحنا نظلمها بسبب او بدون سبب ؟

عارفين ليه قالوا عننا انه احنا العالم الثالث ؟ ؟

علشان هذي افكارنا الي ابدا ما تتغير وهذي قلوبنا الي مخلوقه من دم ولحم وشعور واحساس وما في اي احساس للاسف 00
ناس كير ما لهم ذنب انهم يكونوا منبذين في الحياة ويتمنوا انه الارض تنشق وتبلعهم بسبب بس ( نظرتنا لهم )

** لو كل واحد فيكم يحط نفسه في احد المواقف الي ذكرتها لدقيقه بس ويعيش كل ثانيه بنفس الاحساس الي يحسوه ايش بيكون شعوركم لمن ينظروا لكم على انكم مو بشرعلى انكم ناس مختلفين وكأنكم ما عندكم اي احساس ؟

ياريت نرتقي بمبادئنا وقيمنا وبأفكارنا ونكون نحس فيهم ونبطل ننظرلهم بهذ الطريقه ..
ونسامحهم على اخطاءهم 00 اذا ربنا غفور رحيم واحنا بشر ما لنا اي رحمه ولا اي مغفره لهؤلاء الناس 00 للاسف والله كثير وكثير ما تفرق معاه هذولي الناس بس لوحط نفسه بمكانهم بيحس نفس الي يحسوه 00

ارجوا منكم المشاركه واهم شي الصراحه ثم الصراحه ثم الصراحه 00

واسفه على الاطاله
ودمتم بحفظ الله ورعايته هل تحكم على الناس من النظرة الاولى؟ تعالوا ناقشوا الموضوع Graaam%20(260)

هل تحكم على الناس من النظرة الاولى؟ تعالوا ناقشوا الموضوع Graaam%20(260)

الفقره الاولى
(كل انسان بتصرفاتو اذا هي تدخن فهي انسانه خرباااااااااانه(منسمه ماعندها ماعند جدتي
الفقره التانيه
اسامحها اذا ربي غفر لها اكيد الناس بتغفر
الفقره التالته
اقبلها وليش لا اذا اخلاق وبنت ناس احترمها واحطها جوت عنوني